XX. mendeko Euskararen Corpus estatistikoa

Testuingurua

LORE ELUSTONDORI

Zapaldurik zegoen
hizkuntza bat
genuen ahotan
bortxaz ezpainetan
ahaztuarazi ziguten hizkuntza.

Sehaska bat nuen
irakatsi gabe
maitatzen ikasi nuena,
bortxaren errezkeriaz
kendu nahi digutena.

Eskola guztietan
isildu didaten
lurra.
Nere gorputz biluzgorriak
maitekiro laztandu duen
lurra.

Nere ohekide bakartia
nere ohekide bakarra.
Erreztasunaren izenean
alde batera utzi nahi duten
lurra.